But here I am, richt amang the gentlemen an' ladies, travellin' alang like
the Queen hersel' micht be prood to dae. Ay, but it's a long story I'll hae
to tell them at hame whan ainst I get back to ma ain kintry again, an' it's
themsel's that'll be dum'foon'ert to hear me tell aboot the mony kinds o'
folk ain meets whan they gang abroad!"
"Have you met any naked savages since you left your distant country?" asked
one of the sports, with a wink at his comrade.
"Naked savages, is't, you mean? Ay, that I hae, or nearly naked anes," was
the quick reply. "On the streets o' Halifax, sir, near the wharves, sir,
that's whaur ye'll come across them, but, dae ye ken noo, I aye thocht
that savages were black, made sae I mean whan they were born into this
worl'. But, dae ye min', it's masel' thinks that some o' them could be made
white, if only ane had soap an' water enough to dae't. No that I didna see
ony black savages roamin' roon' as weel; but maist o' them had some
claithes on, like decent Christian folk. Some hadna come to that knowledge
yet; but the nakedness o' black skinned savages isna sae noticin' as that
o' white savages, I tak' it.
Pages:
111
112
113
114
115
116
117
118
119
120
121
122
123
124
125
126
127
128
129
130
131
132
133
134
135